İdman
Pleyeri seçin:
Çempionlar liqasında kubokun növbəti sahibi bəlli oldu
UEFA Çempionlar Liqasında 2023-2024-cü illər mövsümünün qalibi müəyyənləşib.
"Uembli" arenasında keçirilən matçda "Real Madrid" və "Borussiya Dortmund" klubları üz-üzə gəlib.
Görüşün ilk hissəsində qol qeydə alınmayıb. İkinci yarıda isə hücumlarını sürətləndirən "Kral klubu" hesabı açmağı bacarıb. 74-cü dəqiqədə Dani Karvahal hədəfi dəqiq nişan alıb. 83-cü dəqiqədə fərq 2-yə çatıb. Bu dəfə Vinisius Junior "sarı-qaralar"ın azarkeşlərini məyus edib. "Borussiya Dortmund" kollektivi son saniyələrə qədər mübarizə aparıb məğlubiyyətdən xilas olmağa çalışsa da, bu mümkün olmayıb.
Beləliklə, həlledici matçda 2-0 hesablı qələbə qazanan "Real Madrid" klubu 1 illik fasilədən sonra tarixində 15-ci dəfə Çempionlar Liqasının qalibi olub.
Kopyalandı
Seçilmişlər
