Çempionlar Liqasının qalibi olan kollektivimiz Vətənə dönüb

“Ardıcıl üçüncü dəfədir bu turnirə qatılırıq. Hədəfimiz çempionluq idi”.

Bu sözləri Polşanın paytaxtı Varşavada keçirilən minifutbol üzrə Çempionlar Liqasının qalibi olan "Birbaşa" komandasının üzvü, veteran futzalçı Rizvan Fərzəliyev jurnalistlərə açıqlamasında deyib.

“Şükürlər olsun ki, əziyyətimiz yerdə qalmadı. Final oyununda da qalib gələrək çempionluğu əldə etdik və Bakıya kubok ilə qayıtdıq. Gələcəkdə də bu uğurun davamını gətirəcəyik”, – deyə o qeyd edib.