Çempionluq yarışında olan "Liverpul" və "Mançester Siti"nin matçı

11 mart 2024 230 baxış

İngiltərə Premyer liqasında 28-ci turun mərkəzi görüşündə çempionluq mübarizəsində olan “Liverpul” və “Mançester Siti” üz-üzə gəlib.

“Enfild” stadionunda keçirilən matçda “şəhərlilər” ilk hissəni Con Stounzun qolu sayəsində öndə tamamlayıblar. Lakin 50-ci dəqiqədə penaltidən fərqlənən Aleksis Mak Allister tarazlığı bərpa edib.

Qalan vaxtda da qol vəziyyətləri yaransa da, qarşılaşma 1-1 hesabı ilə başa çatıb. Bu nəticədən sonra 6 xalı olan “Liverpul” 2-ci, 1 xal az toplayan “Siti” isə 3-cü yerdədir.

Qeyri-sabit oyunu ilə diqqəti çəkən “Tottenhem” 28-ci turda “Aston Villa”nın qonağı olub. “Villa Park” arenasında baş tutan görüşün ilk hissəsində hesab açılmayıb. 2-ci yarıda isə Ceyms Meddison, Brennan Conson, Son Hön-Min və Timo Vernerin qolları “mahmızlar”a 4-0 hesablı qələbə qazandırıb.

Qalibiyyət sayəsində 53 xalla 5-ci pillədə qərarlaşan “Tottenhem” 4-cü yerdə olan “Aston Villa”dan 2 xal geri qalır.

#Liverpul FK