Çingiz Əlləzov: Qriqoryanla döyüş karyeramda sonuncu ola bilər

Dünyaca məşhur azərbaycanlı kikboksçu, “One Championship” təşkilatının çempionu Çingiz Əlləzov ölkəmizə gəlib.

Tanınmış idmançı üçün Heydər Əliyev adına Beynəlxalq Hava Limanında qarşılanma mərasimi təşkil olunub.

“ONE Fight Night 13” turnirində ermənistanlı Marat Qriqoryanı məğlub edən 30 yaşlı idmançı jurnalistlərə açıqlamasında bildirib ki, planda daha üç döyüş keçirmək var: "Altı ay əvvəl demişdim ki, Marat Qriqoryana qarşı kəmər uğrunda döyüş istəyirəm. Hər gün də bu döyüşlə yaşayırdım. Rəqibimi məğlub etdim və bu qələbəni xalqımıza həsr edirəm. M.Qriqoryanla döyüşdən sonra da dedim ki, karyeramı bitirmək istəyirəm. Amma Corcio Petrosyan razılıq versə, onunla döyüşərəm. Ona da qalib gələcəyimə inanıram. Ümumiyyətlə, Azərbaycan, Belarus və Rusiyada döyüşmək istəyirəm. Bundan sonra isə karyeramı bitirə bilərəm”.

Xatırladaq ki, Çingiz Əlləzov avqustun 5-i dünyaca məşhur “One Championship” təşkilatında növbəti qələbəsini qazanıb. Erməni əsilli Marat Qriqoryanı məğlub edən “Çinqa” ləqəbli kikboksçu çempionluq kəmərini uğurla müdafiə edib.