Cüdoçumuz Zelim Tçkayev olimpiadada yarışa çıxıb

Parisdə təşkil olunan XXXIII Yay Olimpiya Oyunlarında daha bir cüdoçumuz mübarizəyə qoşulub.

81 kq çəkidə yer alan Zelim Tçkayev 1/16 finalda fransalı Alfa Umar Calo ilə qarşılaşıb. Bu dueldən məğlub ayrılan Zelim yarışla vidalaşmalı olub.

Qeyd edək ki, Fransanın paytaxtında keçirilən turnirdə daha əvvəl cüdoçumuz Hidayət Heydərov qızıl medal qazanıb. 73 kq çəki dərəcəsində çıxış edən idmançımız ardıcıl olaraq İsrail, Kanada, Kosovo və Fransa təmsilçilərinə qalib gələrək fəxri kürsünün ən yüksək pilləsinə qalxıb.