Fənərbağça 10 illik həsrətə son qoydu

Türkiyə Kubokunda 2022/2023-cü illər mövsümünün qalibi müəyyənləşib.

İzmir şəhərinin “Gürsel Aksel” stadionundakı matçda “Başakşehir” və “Fənərbağça” klubları üz-üzə gəliblər. 2 qolun qeydə alındığı oyunda qələbəni “Fənər” bayram edib.

Hesabı artıq 1-ci dəqiqədə Mişi Batşuayi açıb. Bundan sonra da hücumlarını davam etdirən “Fənərbağça” 29-cu dəqiqədə fərqi 2-yə yüksəldib. Batşuayi dublunu rəsmiləşdirib. Qalan vaxtda sərfəli nəticəni qoruyan İstanbul nəhəngi tarixində 7-ci dəfə ölkə kubokunu qazanıb.