Türkiyə və Almaniyada kubok matçları keçirildi

Türkiyə kubokunda 1/4 finalın növbəti matçı “Qalatasaray”ın uğursuzluğu ilə əlamətdar olub.

NEF stadioniunda “Başakşehir”i qəbul edən “sarı-qırmızılar” ehtimalları doğrultmayıb. Fasiləyədək qonaqlardan Patrik Şiş və Aleksiçin qollarına meydan sahibləri Kaan Ayhanın topu ilə cavab veriblər. 2-ci yarıda isə dubl edən Şişlə yanaşı, İkardi qapını dəqiq nişan alıb. Beləliklə, 3-2 hesablı qələbə qazanan “Başakşehir” adını yarımfinala yazdırıb.

“Bavariya”nın Almaniya Kubokunda mübarizəni dayandırmasından sonra “Borussiya Dortmund” da turnirlə vidalaşıb. 1/4 final mərhələsinin matçında səfərdə “Leyptsiq”lə üz-üzə gələn “sarı-qaralar” Timo Verner və Villi Orbanın qollarından sonra 0-2 hesabı ilə uduzublar. Bununla da, “Frayburq”, “Ştutqart” və “Ayntraxt”dan sonra “Leypsiq” də yarımfinala yüksəlib.

İngiltərə çempionatında 7-ci turdan təxirə salınan oyunda “Nyukasl” komandası “Vest Hem”i darmadağın edib. Londonda baş tutan görüş “sağsağanlar”ın 5-1 hesablı qalibiyyəti ilə yekunlaşıb. Qonaqlardan Vilson və Joelinton dubl edib. Daha 1 top Aleksandr İsakın aktivindədir. “Vest Hem”də isə Kurt Zumanın qolu yalnız təsəlli olub. İnamlı qələbə sayəsində “Nyukasl” xallarının sayını “Mançester Yunayted”lə bərabərləşdirib. Hərəyə 53 xal toplayan komandalar hazırda 3-cü, 4-cü yerləri bölüşdürürlər. 27 xalı olan “Vest Hem” isə 15-cidir.