FIFA 2023-cü ilin ən yaxşı futbolçusunun adını açıqlayıb

16 yanvar 2024 218 baxış

FIFA tərəfindən təqdim olunan “The Best” mükafatının 2023-cü il üzrə sahibləri müəyyənləşib.

İngiltərənin paytaxtı Londonda baş tutan tədbirdə ötən ilin ən yaxşı futbolçusu adına “İnter Mayami”nin üzvü Lionel Messi layiq görülüb.

Daha əvvəl 2019 və 2022-ci illərin yekununa görə ən yaxşı oyunçu seçilən Leo 3-cü dəfə “The Best”in sahibi olub. Lakin 36 yaşlı hücumçu tədbirə qatılmadığı üçün ona mükafat təqdim edilməyib.

Bundan başqa, təşkilatçılar Messi ilə video zəng vasitəsilə də əlaqə saxlaya bilməyiblər.

Qeyd edək ki, tədbirin davamında “Mançester Siti”nin çalışdırıcısı Xosep Qvardiola ən yaxşı baş məşqçi, həmin komandanın üzvü Ederson isə ən yaxşı qapıçı adına yiyələnib. Bundan başqa, “Barselona”nın üzvü Aytana Bonmati ən yaxşı qadın futbolçu, İngiltərə yığmasının çalışdırıcısı Sarina Viqman isə ən yaxşı qadın baş məşqçi adına layiq görülüb.

#The Best mükafatı