İdman
Pleyeri seçin:
Fransa Super kuboku uğrunda görüş keçirilib
Futbol üzrə Fransa super kubokunda qalibin adına aydınlıq gəlib.
Həlledici görüşdə ötən mövsüm ölkə çempionatında qələbə qazanan “Pari Sen-Jermen” və kubokun sahibi “Tuluza” komandaları qarşılaşıb.
Parisin “Park de Prens” arenasında keçirilən matçda hesab erkən açılıb. Li Kan-İn 3-cü dəqiqədə PSJ-ni irəli çıxarıb.
Bundan sonra da təşəbbüsü əldən verməyən parislilər 44-cü dəqiqədə 2-ci qolu vurublar. Komandanın lideri Kilian Mbappe fərqlənib.
Fasilədən sonra “Tuluza” futbolçuları təzyiqi artıraraq təhlükəli vəziyyətlər yaratsa da, səyləri nəticə verməyib. Üstünlüyünü qoruyaraq 2-0 hesabı ilə qalib gələn “Pari Sen-Jermen”, rekordunu yeniləyərək tarixində 12-ci dəfə super kubokun sahibi olub.
Kopyalandı
Seçilmişlər
