Futbol klubları transfer çalışmalarını davam etdirir

Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlamaqda davam edir.

Son transfer xəbərlərini təqdim edirik.

İnsayder Jerar Romero: hazırda Niko Uilyamsın “Barselona”ya transferi qeydiyyat məsələsi həll olunana qədər bağlanmayacaq. Bununla belə, hazırda klubda hər şey sakitdir.

İnsayder Fabritsio Romano: “Napoli” 29 yaşlı kamerunlu yarımmüdafiəçi Andre Zambo Angissa ilə müqaviləni bir il müddətinə uzatmaq variantını aktivləşdirib. Hazırda “Napoli” klubunun afrikalı yarımmüdafiəçi ilə müqaviləsinin müddəti 2027-ci ilin iyununa qədər qüvvədə olacaq.

“The Athletic” nəşri: “Real Madrid” qərar verdi ki, bu yay uyğun bir təklif gəlsə, Rodriqonun gedişinə mane olmayacaq, baxmayaraq ki, klub rəsmi olaraq onu saxlamaqda israrlıdır. Bu mərhələdə Rodriqonun ayrılmaq qərarına gəlib-gəlmədiyi bəlli deyil, lakin onun kimi səviyyəli futbolçu ehtiyat oyunçular skamyasında otura bilmədiyi üçün vəziyyət uzunmüddətli perspektivdə dözülməzdir.

Rəsmiləşmiş transfer xəbərləri:

Temmi Abraham "Roma"dan "Beşiktaş"a icarəyə keçib. Futbolçu 2026-cı ilin yayına qədər “Beşiktaş”da olacaq. İstanbul təmsilçisi onu almaq istəsə, 13 milyon avrodan keçməli olacaq. Hələlik komanda İtaliya klubuna 2 milyon avro ödəyib.

23 yaşlı yarımmüdafiəçi Samuele Ricci “Torino”dan “Milan”a keçib. Transfer məbləği 23 milyon avro təşkil edib. Müqavilə 30 iyun 2029-cu ilə qədər qüvvədədir.

Rafa Marin gələn mövsümü “Vilyarreal”da keçirəcək. İspaniya klubu “Napoli”nin müdafiəçisini 2025/2026-cı illər mövsümünün sonuna qədər icarəyə götürdüyünü açıqlayıb. Şərtlərə futbolçunu birdəfəlik almaq imkanı da daxildir.