Futbol klubları yay transfer çalışmalarını davam etdirir

Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlamaqda davam edir.

Son transfer xəbərlərini təqdim edirik.

David Ornstein: "Çelsi" "Lion"un vingeri Malik Fofananı transfer etmək istəyir. London klubu belçikalı futbolçunun mövqeyini öyrənmək üçün Liqa 1 klubu ilə əlaqə saxlayıb. Fofananın təxmini transfer dəyəri 29,8 milyon avrodur. İstedadlı cinah oyunçusu ötən mövsüm “Lion”un heyətində 11 qol vurub. Bundan əlavə, futbolçunun aktivində 6 məhsuldar ötürmə var.

Fabritsio Romano: "Mançester Yunayted" "Ayntraxt"ın hücumçusu Uqo Ekitikein transfer etmək istəyir. “Ayntraxt”la əlaqə saxlayan “Yunayted” birbaşa Ekitikenin nümayəndələri ilə müsbət danışıqlara başlayıb.

Florian Plettenberg: "Barselona" hazırda Niko Uilyamsı transfer etmək üçün ən yaxşı şansa malikdir. Onlar “Bayern Münhen”, “Arsenal” və “Çelsi”ni qabaqlayırlar. Son 24 saat ərzində yeni danışıqlar aparılıb.

Joan Laporta indi transferin mümkün olub-olmadığını qiymətləndirir. "Barselona"ya yaşıl işıq yansa, transferin baş tutacağı gözlənilir. Hansi-Diter Flik Uilyamsın komandada olmasını istəyir.

“La Gazzetta dello Sport”: Qranit Caka Milana qoşulmaq üçün ilkin razılığını verib və qarşıdakı 48 saat həlledici olacaq.