İdman
Pleyeri seçin:
Güləşçimiz Maqomedxan Maqomedov Parisdə bürünc medal qazandı
Parisdə keçirilən Yay Olimpiya Oyunlarında ölkəmiz daha 1 medalı aktivinə yazdırıb.
Sərbəst güləşçimiz Maqomedxan Maqomedov bürünc medal uğrunda görüşdə ukraynalı Murazi Mçedlidze ilə üz-üzə gəlib. Bu qarşılaşmadan qalib ayrılan Maqomedxan fəxri kürsünün ən yüksək pilləsinə qalxıb.
Qeyd edək ki, 97 kq çəkidə mübarizə aparan və yarışa 1/8 finaldan start verən Maqomedxan ilk olaraq Dominikan Respublikasından olan Luis Migelə qalib gələrək 1/4 finala adlayıb. Burada polşalı Mateuş Baranovskdan güclü olan pəhləvanımız yarımfinalda Gürcüstanlı Givi Matçaraşvili ilə bacarmayıb.
Xatırladaq ki, 2022-ci il Avropa çempionatının qalibi olan Maqomedxan 2023 və 2024-cü illərdə yalnız finalda uduzaraq gümüş medalın sahibi olub. Bundan başqa, o, dünya çempionatlarında 1 gümüş və 1 bürünc mükafatı aktivinə yazdırıb.
Kopyalandı
Seçilmişlər
