İdman
Pleyeri seçin:
Güləşçimiz Murad Məmmədov reytinq turnirində çempion oldu
Yunan-Roma güləşçimiz Murad Məmmədov Macarıstanda keçirilən reytinq turnirində qızıl medal qazanıb.
63 kq çəki dərəcəsində çıxış edən Murad əvvəlcə dünya və Avropa çempionu, moldovalı Viktor Çiobanuya qalib gəlib. 1/4 finalda amerikalı Xavyer Consondan güclü olan M.Məmmədov yarımfinala yüksəlib. Bu mərhələdə isə litvalı Justas Petraviçyusu məğlub edən Murad finala vəsiqə əldə edib. Həlledici görüşdə koreyalı Jinvunq Junq üzərində də qələbə qazanan təmsilçimiz turnirin qalibi olub.
Qeyd edək ki, bu yarışda Murad Məmmədovla yanaşı, daha bir yunan-Roma güləşçimiz, 60 kq çəkidə çıxış edən Nihat Məmmədli bürünc medal qazanıb. 97 kq-da mübarizə aparan Maqomedxan Maqomedov isə gümüş medala yiyələnib.
Kopyalandı
Seçilmişlər
