II turun ilk görüşündə Xorvatiya və Albaniya milliləri qarşılaşıb

Almaniyada keçirilən futbol üzrə Avropa çempionatının 2-ci turuna start verilib.

Günün ilk oyununda B qrupunda yer alan Xorvatiya və Albaniya milliləri üz-üzə gəlib.

“Volksparkstadion”da keçirilən qarşılaşmada hesab 11-ci dəqiqədə açılıb. Kyazim Lyaçi Albaniya millisinin ilk qolunun müəllifi olub. Kollektiv fasiləyə minimal üstünlüklə yollanıb.

Lakin ikinci yarıda xorvatlar hesabı bərabərləşdirməyi bacarıblar. 74-cü dəqiqədə Andrey Kramariç hədəfi dəqiq nişan alıb. 2 dəqiqə sonra Klaus Qyasulya avtoqol müəllifi olub: 2-1. Görüşdə son nöqtəni də məhz K.Qlasulya qoyub. Xorvatiya-Albaniya 2-2.

Qeyd edək ki, Xorvatiya millisi növbəti turda İtaliya ilə qarşılaşacaq. Albaniya seçməsi isə İspaniya ilə münasibətlərə aydınlıq gətirəcək.

Xatırladaq ki, xorvatlar B qrupunun ilk matçında İspaniyaya 0:3, albanlar isə İtaliyaya 1:2 hesabı ilə məğlub olublar.