Pleyeri seçin:
AVRO-2024-də III turun daha 2 görüşü keçiriləcək
Bu gün futbol üzrə Avropa çempionatının B qrupunda mübarizəyə yekun vurulacaq.
Növbəti mərhələyə vəsiqəni vaxtından əvvəl təmin edən İspaniya millisi 3-cü turda Albaniya seçməsini sınağa çəkəcək.
Düsseldorf şəhərində keçiriləcək görüşdə Naço Fernandes və Ayoze Peres zədə, Rodri isə vərəqə cəzalısı olduğu üçün “Qırmızı Furiya”ya kömək edə bilməyəcək.
Bakı vaxtı ilə saat 23-də başlayacaq oyunun baş hakimi isə isveçli Qlenn Nüberq olacaq.
Eyni saatda start götürəcək qarşılaşmada bu qrupun digər kollektivləri – Xorvatiya və İtaliya yığmaları üz-üzə gələcək.
Geridə qalan 2 tur ərzində cəmi 1 xal toplayan xorvatlar növbəti mərhələ imkanlarını qorumaq üçün mütləq qalib gəlməlidir. “Skuadra Adzurra”ya isə heç-heçə kifayət edir.
Qeyd edək ki, Leypsiq şəhərində keçiriləcək bu oyunu Danni Makkellinin başçılıq etdiyi niderlandlı hakimlər briqadası idarə edəcək.
Kopyalandı
#AVRO-2024 teqi istifadə olunub
