İdman
Pleyeri seçin:
İspaniya çempionatı: "Real Madrid" - "Barselona" matçı
İspaniya çempionatının 32-ci turunda “Real Madrid” komandası “Barselona”nı qəbul edib.
“Santyaqo Bernabeu” arenasında keçirilən matçda hesabı “blauqrana” açıb.
6-cı dəqiqədə Andreas Kristensen qonaqları irəli çıxarıb. “Los blankos”un cavabı 18-ci dəqiqədə gəlib. Vinisius Junior 11 metrlik cərimə zərbəsindən tarazlığı bərpa edib: 1-1. Fasiləyə tərəflər bu hesabla yollanıblar.
69-cu dəqiqədə Fermin Lopez kataloniyalılara yenidən üstünlük qazandırıb: 2-1. Ancaq “Real” dönüş etməyi bacarıb. Əvvəlcə 73-cü dəqiqədə Lukas Vaskes hesabı bərabərləşdirib: 2-2. Əsas vaxta artırılan dəqiqələrdə isə Cud Bellingem qarşılaşmada son nöqtəni qoyub. “Real Madrid” – “Barselona”: 3-2.
“El-Klassiko”da qalib gələn “kral klubu” liderliyini bir qədər də möhkəmləndirib. 81 xalla çempionata başçılıq edən Madrid təmsilçisi 2-ci yerdəki “Barsa”nı 11 xal qabaqlayır.
Kopyalandı
Seçilmişlər
