Pleyeri seçin:
Türkiyəli ulduz Arda Gülər "Real Madrid"in tarixinə düşüb
Xəbərlərimizi Google-da izləyin
Yeniliklərdən dərhal xəbərdar olun
Türkiyə futbolunun parlayan ulduzu Arda Gülər adını “Real Madrid”in tarixinə yazdırıb.
Bu barədə Türkiyə mətbuatında xəbərlər paylaşılır.
19 yaşlı yarımmüdafiəçi İspaniya çempionatının 17-ci turunda bu uğura imza atıb. Belə ki, “Rayo Valyekano”ya qarşı görüşdə komandasının ilk və 3-cü qolunun assistini edən Arda 21-ci əsrdə La Liqa matçında 2 məhsuldar ötürmə edən ən gənc futbolçu olub.
Qeyd edək ki, sözügedən qarşılaşma 3-3 hesablı bərabərliklə yekunlaşıb. “Kral klubu”nun qollarını Federiko Valverde, Cud Bellingem və Rodriqo vurublar.
Xatırladaq ki, Arda Gülər ötən ilin yayından “Real Madrid”in formasını geyinir. Bu müddət ərzində 31 matçda meydana çıxan gənc futbolçu 7 qol və 3 məhsuldar ötürmə müəllifi olub. Komanda ilə Çempionlar Liqasının qalibi olan A.Gülər La Liqa, İspaniya Super Kuboku və UEFA Super Kubokunda da qələbə qazanıb.
İspaniya nəhəngi ilə müqaviləsi 2029-cu ilə qədər olan Arda Gülərin “Transfermarkt” portalına əsasən dəyəri 45 milyon avrodur.
Kopyalandı
#İspaniya çempionatı teqi istifadə olunub
Seçilmişlər
