Kərim Benzema “Qızıl top”dan məhrum edilə bilər

Dünya futbolunun ulduzu Kərim Benzema Fələstin xalqına dəstəyini ifadə etdiyinə görə Fransa vətəndaşlığından və “Qızıl Top”dan məhrum edilə bilər.

Marsel şəhərinin vitse-meri Valeri Buaye sosial media hesabında bununla bağlı çağırış edib.

O, postda bu sözləri yazıb: “Bizə qarşı müharibə elan edənlərlə əlbir olmaq ölkəmizə xəyanətə bərabərdir”.

Bundan əvvəl isə Fransanın daxili işlər naziri Jerald Darmanen Benzemanı “Müsəlman qardaşları” qruplaşması ilə əlaqədə olmaqda ittiham edib.

Son xəbərlərə əsasən, fransalı forvard sözügedən ittihamlara görə, daxili işlər naziri Jerald Darmaneni məhkəməyə verə bilər. Bu barədə oyunçunun vəkili məlumat verib.