Kikboksçumuz Çingiz Əlləzov ermənistanlı Marat Qriqoryana qalib gəlib

Dünyaca məşhur azərbaycanlı kikboksçu, “One Championship” təşkilatının çempionu Çingiz Əlləzov “ONE Fight Night 13”də növbəti qələbəsini qazanıb.

29 yaşlı idmançı kəmərini müdafiə etmək uğrunda döyüşdə erməni əsilli Marat Qriqoryanla üz-üzə gəlib.

Tailandın paytaxtı Banqkokda keçirilən və 72 kq çəki dərəcəsində baş tutan döyüş 5 raund davam edib. Qarşılaşma Ç.Əlləzovun üstünlüyü şəraitində keçib. Rəqibinə heç bir şans verməyən “Çinqa” ləqəbli həmyerlimiz mübarizənin sonunda qalib elan olunub.