İdman
Pleyeri seçin:
Kilian Mbappe karyerasını İngiltərədə davam etdirə bilər
PSJ-nin ulduz futbolçusu Kilian Mbappe karyerasını İngiltərədə davam etdirə bilər.
Xarici KİV-də yayılan məlumata görə, “Liverpul” klubu 24 yaşlı forvardın xidmətində maraqlıdır.
İddia edilir ki, mersisaydlılar Fransa təmsilçisinə Mbappe üçün 1 illik icarə müqaviləsi təklif etməyə hazırlaşır. Hətta fransalı hücumçu özü də bu təklifə müsbət yanaşır. Çünki o, hər zaman Yurgen Kloppun rəhbərliyi altında oynamağı arzu edib.
Xatırladaq ki, daha əvvəl Səudiyyə Ərəbistanının “Əl-Hilal” klubu Kilianı 300 milyon avroya transfer etmək üçün PSJ-yə rəsmi təklif göndərib. Lakin fransalının bu təklifi rədd etdiyi bildirilir.
Əlavə edək ki, 2017-ci ildən PSJ-nin formasını geyinən Kilian 260 matçda 212 qolun müəllifidir. Klub tarixinin ən sərrast oyunçusu olan forvard bu müddət ərzində Fransa çempionatında 5, ölkə kubokunda 3, liqa kuboku və super kubokda isə 2 dəfə qalib gəlib.
Kopyalandı
Seçilmişlər
