Komanda yoldaşının orucunu açması üçün bunu etdi

A seriyasının 28-ci turu çərçivəsində baş tutan "İnter" - "Fiorentina" matçında qonaqların futbolçusu Luka Ranyeri komanda yoldaşı Sofyan Amrabatın orucunu açması üçün özünü zədəli kimi göstərib.

Sosial şəbəkə istifadəçilərinin rəğbətlə qarşıladığı bu hadisə matçın sonlarında qeydə alınıb.

Qeyd edək ki, “Cuzeppe Meatsa” arenasında baş tutan qarşılaşma “Fiorentina”nın 1-0 hesablı qələbəsi ilə yekunlaşıb. Görüşdə yeganə qolu 53-cü dəqiqədə Djakomo Bonaventura vurub. Bu nəticədən sonra xallarının sayını 40-a çatdıran Florensiya təmsilçisi 9-cu pillədə qərarlaşıb. Son 6 oyunda cəmi 1 dəfə qalib gələn “İnter” isə 50 xalla 4-cü pillədədir.