Konfrans Liqasında yarımfinal mərhələsinin cavab oyunları keçirilib

UEFA Konfrans Liqasında yarımfinal mərhələsinin cavab oyunları keçirilib.

“Betis” səfərdə “Fiorentina”nın qonağı olub. Qarşılaşma 2-2 hesabı ilə başa çatıb.

30-cu dəqiqədə qonaqların heyətində Antoni hesabı açıb. 34-cü dəqiqədə Robin Qosens hesabı bərabərləşdirib və daha 8 dəqiqə sonra komandasını irəli çıxarıb.

Əlavə olunmuş hissələrdə Abde Ezzalzuli İspaniya klubunun növbəti qolunu vurub. “Real Betis” ilk oyunda 2-1 hesablı qələbə qazandığından finala çıxan tərəf olub.

“Çelsi” isə səfərdə 4-1 hesabı ilə məğlub etdiyi “Yurqorden”i öz meydanında da üstələyib: 1-0. Oyunda yeganə qolu 38-ci dəqiqədə Kirnan Dyuzberri-Xoll vurub.

Beləliklə, mayın 28-də Polşanın Vrotslav şəhərində keçiriləcək finalda “Çelsi” və “Betis” kollektivləri kubok uğrunda həlledici görüşə çıxacaqlar.