Pleyeri seçin:
Lamiyə Vəliyeva Paralimpiya Oyunlarında qızıl medal qazanıb
Azərbaycanlı paraatlet Lamiyə Vəliyeva Paralimpiya Oyunlarında qızıl medal qazanıb.
100 metr məsafəyə qaçışda təsnifat mərhələsini 11,81 saniyə nəticə ilə tamamlayan idmançımız finalda da bütün rəqiblərini qabaqlayıb. Bununla da təmsilçimiz Fransa paytaxtında keçirilən yarışın qalibi olub.
Qeyd edək ki, 4 qat dünya çempionu olan Lamiyə Tokio-2020 Paralimpiadasında da uğurlu çıxışı ilə yadda qalıb. Yaponiyanın paytaxtındakı turnirdə 400 metr məsafəyə qaçışda 1-ci olan L.Vəliyeva 100 metr məsafəyə qaçışda isə gümüş medalın sahibi olub.
Xatırladaq ki, avqustun 28-i başlayan 17-ci Paralimpiya Oyunlarında ölkəmiz daha əvvəl 4 mükafat qazanıb. Uzunluğa tullanmada qüvvəsini sınayan Səid Nəcəfzadə və parataekvondoçu İmaməddin Xəlilov yarışın qalibi olublar. Daha 2 idmançımız – üzgüçü Roman Saley və parataekvondoçu Sabir Zeynalov isə müvafiq olaraq gümüş və bürünc medala yiyələniblər.
Kopyalandı
#Lamiyə Vəliyeva teqi istifadə olunub
- İkiqat Paralimpiya çempionu Lamiyə Vəliyeva kiminlə ailə həyatı qurur?
- Şadam ki, xalqımızı layiqincə təmsil etdim | Paralimpiya çempionu Lamiyə Vəliyeva
- Paralimpiya oyunlarını medallarla başa vuran idmançılarımız Vətənə qayıdıb
- "Sevinirəm ki, Tokio-2020-dəki nəticəni təkrarladım" | Lamiyə Vəliyeva
- Mehriban Əliyeva Azərbaycanın Paralimpiya çempionu Lamiyə Vəliyevanı təbrik etdi
Seçilmişlər
