Pleyeri seçin:
“Mançester Siti” və “Arsenal” növbəti oyuna çıxıblar
Xəbərlərimizi Google-da izləyin
Yeniliklərdən dərhal xəbərdar olun
İngiltərə Premyer liqasında çempionluq yarışındakı həyəcan artmaqdadır. 31-ci turda “Aston Villa”nı qəbul edən “Mançester Siti” darmadağınla qalib gəlib.
“Etihad Stedium”dakı matçda Fil Foden parlaq çıxışı ilə diqqət çəkib. Het-trik edən 23 yaşlı futbolçu ilə yanaşı, Rodri birmingemlilərin qapısına yol tapıb. Qonaqlardan isə yalnız Con Duranın zərbəsi dəqiq olub. “Mançester Siti” – “Aston Villa”: 4-1.
Titul uğrunda mübarizə aparan daha bir klub “Arsenal” da azarkeşlərini sevindirib. “Luton Taun”u qəbul edən “topçular” 2-0 hesablı qələbə qazanıblar. London komandasından Martin Ödeqor qapını dəqiq nişan alıb.
Daha bir epizodda Daiki Hasioka avtoqol müəllifi olub. Bu nəticədən sonra 68 xalla liderliyə yüksələn “Arsenal” “Liverpul” və “Mançester Siti”ni 1 xal qabaqlayır.
Almaniya kubokunda isə 2-ci finalçının adına aydınlıq gəlib. “Fortuna”nı qəbul edən “Bayer” 4 cavabsız topla qalib gəlib. Leverkuzenlilərin qolları dubl edən Floryan Virtslə yanaşı, Jeremi Frimponq və Amin Adlinin aktivindədir.
Finala yüksələn baş məşqçi Xabi Alonsonun komandası mükafat uğrunda “Kayzerslautern”lə qarşılaşacaq.
Kopyalandı
Seçilmişlər
