Pleyeri seçin:
Mariya Stadnikə ağır itki üz verib
Azərbaycan güləşinin əfsanəsi Mariya Stadnikə ağır itki üz verib.
35 yaşlı idmançının atası Vasili Stadnik vəfat edib. Bu barədə Güləş Federasiyasının mətbuat xidməti məlumat yayıb.
Bildirilib ki, Mariyanın atası uzun sürən xəstəlikdən sonra dünyasını dəyişib.
Qeyd edək ki, Mariya Stadnik bir neçə gün əvvəl karyerasında 5-ci dəfə Yay Olimpiya Oyunlarına qatılmaq hüququ qazanıb. O bu uğura Türkiyədə keçirilən Dünya Olimpiya Təsnifat turnirində nail olub. 50 kq çəkidə yarışan təmsilçimiz italiyalı Emmanuela Liuççini məğlub edərək Paris-2024-ə lisenziya əldə edib.
Xatırladaq ki, Mariya Stadnik daha əvvəl London-2012 və Rio-2016-da gümüş, Pekin-2008 və Tokio-2020 olimpiadalarında isə bürünc medala yiyələnib. O həm də 2 qat dünya və 10 qat Avropa çempionudur.
Kopyalandı
