İdman
Pleyeri seçin:
Niderland - Avstriya matçında 5 qol vuruldu
Futbol üzrə Avropa çempionatının III turu çərçivəsində D qrupunun daha bir görüşü baş tutub.
Berlinin “Olimpiyaştadion” arenasında keçirilən oyunda Niderland və Avstriya yığmaları qarşılaşıblar.
Matçda hesab 6-cı dəqiqədə açılıb. Niderlandlı Donyell Malen avtoqol müəllifi olub.
İkinci yarıda tarazlıq bərpa edilib. 47-ci dəqiqədə Kodi Qakpo hədəfi dəqiq nişan alıb. Lakin avstriyalılar yenidən üstünlüyü ələ almağı bacarıb. 59-cu dəqiqədə Romano Şmid azarkeşləri sevindirib.
75-ci dəqiqədə “narıncılar" növbəti dəfə hesabı bərabərləşdiriblər. Memfis Depay fərqlənib. Ancaq oyunda son nöqtəni Marsel Zabitser qoyub. Niderland - Avstriya: 2-3.
Qeyd edək ki, bu qələbədən sonra Avstriya yığması qrup lideri kimi 1/8 finala yüksəlib. Niderland isə qrup üçüncüsü olaraq pley-off şanslarını davam etdirir.
Kopyalandı
Seçilmişlər
