Ölkə xaricində olan idmançılarımız səsvermədə iştirak ediblər

Bu gün – fevralın 7-də Azərbaycanda keçirilən növbədənkənar prezident seçkisində ölkə xaricində olan idman ictimaiyyətinin nümayəndələri də fəal iştirak edirlər.

Hazırda Parisdə beynəlxalq təlim-məşq toplanışında olan kişi cüdoçulardan ibarət millimizin üzvləri federasiyasının vitse-prezidenti Elnur Məmmədlinin rəhbərliyi ilə ölkəmizin Fransadakı səfirliyinin Mədəniyyət Mərkəzində səsverməyə qatılıblar.

Bundan başqa, Qazaxıstanın Almatı şəhərində təlim-məşq toplanışında olan stolüstü tennis komandamızın 5 üzvü də prezident seçkisində iştirak edib.

Xatırladaq ki, ilk dəfə olaraq Azərbaycanın bütün suveren ərazisində keçirilən və 7 namizədin mübarizə apardığı növbədənkənar prezident seçkilərini 790 beynəlxalq müşahidəçi izləyir.