Pleyeri seçin:
Para-atletimiz Lamiyə Vəliyeva dünya çempionu oldu
Azərbaycanlı para-atlet Lamiyə Vəliyeva dünya çempionu olub.
Gənc idmançı Parisdə baş tutan mundialda 100 metr məsafəyə qaçışın final mərhələsində 11,99 saniyə göstərici ilə bütün rəqiblərini qabaqlayıb. Bununla da, 21 yaşlı para-atletimiz qızıl medalın sahibi olub. L.Vəliyeva bu nəticə ilə həm də Paris-2024 Yay Paralimpiya Oyunlarına vəsiqəni təmin edib.
Qeyd edək ki, dünya çempionatında fəxri kürsünün ən yüksək pilləsinə qalxan Lamiyə Vəliyeva daha əvvəl də beynəlxalq yarışlarda uğurlu çıxışları ilə diqqət çəkib.
Gənc atletimiz 2021-ci ildə Tokioda keçirilən Yay Paralimpiya Oyunlarında 400 metr məsafəyə qaçışda qızıl medal qazanıb. 100 metr məsafəyə qaçışda isə gümüş mükafatın sahibi olub.
Kopyalandı