“Paralimpiadada tərəfkeşlik var idi” | İlham Zəkiyev

“Bu mənim iştirak etdiyim 6-cı Paralimpiya Oyunları idi”.

Bu sözləri Heydər Əliyev Beynəlxalq Aeroportunda qarşılanma mərasimində Paris-2024 Yay Paralimpiya Oyunlarında iştirak edən Azərbaycan millisinin paracüdoçusu İlham Zəkiyev deyib.

J1 kateqoriyasında 90+ kq-da bürünc medal qazanan İ.Zəkiyev yarışla bağlı təəssüratlarını bölüşüb:

“Zədələrim ucbatından uzun müddətdir müalicə alırdım. Buna görə də istədiyim kimi hazırlaşa bilməmişdim. Lakin bütün bunlara baxmayaraq, Vətənə bürünc medalla döndüyüm üçün çox xoşbəxtəm. Birinci görüşdə fransalı rəqibimə qarşı mübarizə apararkən hakimlərin tərəfkeşliyi hiss olunurdu. Fransada keçirilən Paralimpiya Oyunlarının təşkilatçılığı isə bərbad idi”.