Pleyeri seçin:
Paracüdoçumuz İlham Zəkiyev Qran-pridə qızıl medal qazanıb
Misirdə keçirilən paracüdo üzrə Qran-pri turnirində idmançılarımızın uğurlu çıxışı davam edir.
İskəndəriyyə şəhərindəki yarışda daha bir təmsilçimiz qızıl medal qazanıb. 90 kq-da mübarizə aparan İlham Zəkiyev bütün rəqiblərinə qalib gələrək fəxri kürsünün ən yüksək pilləsinə qalxıb. Bununla da, 43 yaşlı idmançımız qələbələrlə dolu karyerasına daha bir nailiyyət əlavə edib.
Xatırladaq ki, İlham daha əvvəl 2004 və 2008-ci illərdə Paralimpiya Oyunlarının qalibi, 2012 və 2020-ci illərdə isə bürünc mükafatçısı olub. O, bundan başqa dəfələrlə dünya və Avropa çempionatlarında qələbə qazanmaqla yanaşı, dünya kuboku və ümumdünya oyunlarında 1-ci yeri tutub.
Kopyalandı
