PSJ azarkeşləri bu səbəbdən Mbappeni günahlandırdı

Çempionlar liqasının yarımfinalında Dortmund “Borussiya”sına məğlubiyyət PSJ azarkeşlərini qəzəbləndirib.

Bu cütün favoriti kimi göstərilən parislilərin yarışla vidalaşmasından sonra fanatlar rəhbərliyi istefaya səsləyiblər.

Bundan başqa, onlar komandanın lideri Kilian Mbappeni tənqid atəşinə tutublar. Azarkeşlər “Real Madrid”ə keçidi gündəmdə olan forvardı hər iki matçda zəif oynamaqda ittiham ediblər. Fanatların sərt reaksiyasından sonra Mbappe üzr istəməyə məcbur olub.

Qeyd edək ki, PSJ və “Borussiya” arasında Almaniyada keçirilən görüş Niklas Fülkruqun qolu sayəsində dortmunduların qələbəsi ilə bitib. Fransadakı cavab matçında isə Mats Hummelsin dəqiq zərbəsi “sarı-qaralar”a 1-0 hesablı qalibiyyət gətirib.