İdman
Pleyeri seçin:
"Bayer Leverkuzen" və "Bavariya" Bundesliqada növbəti qələbələrini qazanıb
Almaniya çempionatının lideri “Bayer” 7-ci turda “Köln”ü məğlub edib.
“Bay Arena”da keçirilən görüşdə leverkuzenlilər ilk yarını Hoffman və Frimponqun qolları ilə öndə tamamlayıblar.
Fasilədən sonra da təşəbbüsü əldən verməyən “Bayer” 67-ci dəqiqədə daha bir top vurub. Bu dəfə Bonifas qapını dəqiq nişan alıb. “Bayer Leverkuzen” – “Köln”: 3-0.
Son illərin dəyişməz çempionu “Bavariya” isə eyni hesabla “Frayburq”dan güclü olub. “Alyans Arena”da baş tutan qarşılaşmada “rekordmayster” fasiləyədək 2 dəfə fərqlənib. 12-ci dəqiqədə Kinqsli Koman, bir qədər sonra isə Leroy Sane yerli azarkeşləri sevindirib. 2-ci yarıda da daha yaxşı təsir bağışlayan Münhen təmsilçisi 85-ci dəqiqədə 3-cü topu “Frayburq”un qapısından keçirib. Koman dublunu rəsmiləşdirib.
Bu nəticələrdən sonra 19 xalı olan “Bayer” Bundesliqaya başçılıq edir. 1 xal az toplayan “Ştutqart” 2-ci, 17 xalı olan “Bavariya” isə 3-cü yerdədir.
Kopyalandı
Seçilmişlər
