İdman
Pleyeri seçin:
"El-Klasiko"nun qalibi məlum oldu
La Liqada 11-ci turun mərkəzi matçında “Barselona” komandası “Real Madrid”i qəbul edib.
Görüşdə hesab erkən açılıb. Artıq 6-cı dəqiqədə İlkay Gündoğan qonaqları oyuna mərkəzdən başlamağa məcbur edib.
Buraxılan topdan sonra fəallaşan “kral klubu” fasiləyədək fərqlənə bilməyib. 2-ci yarıda təzyiqi bir qədər də artıran “los blankos” 68-ci dəqiqədə tarazlığı bərpa edib. “Real”ın gənc ulduzu Cud Bellingem uzaq məsafədən baxımlı qol vurub.
Qarşılaşmanın sonlarında isə Madrid komandası 2-ci topu “blauqrana”nın qapısından keçirib. Bu dəfə də C.Bellingemin zərbəsi dəqiq olub.
Görüşdə 2-1 hesabı ilə güclü olan “Real” xallarının sayını 28-ə çatdırıb. Paytaxt təmsilçisi “Jirona” ilə 1-ci, 2-ci yerləri bölüşdürür. Cari çempionatda ilk dəfə uduzan “Barselona” isə 24 xalla 3-cü pillədədir.
Kopyalandı
Seçilmişlər
