İdman
Pleyeri seçin:
"Neftçi" klubu Qara Qarayevlə bağlı qərar verdi
“Neftçi” futbolçusu Qara Qarayevlə yollarını ayırıb.
Klubdan verilən rəsmi məlumata əsasən, 31 yaşlı yarımmüdafiəçi ilə müqaviləyə qarşılıqlı razılıq əsasında xitam verilib. Qara Qarayevə göstərdiyi xidmətlərə görə təşəkkür edən “Neftçi” ona gələcək karyerasında uğurlar arzulayıb.
Qeyd edək ki, Qara Qarayev 2023-cü ilin yayından “ağ-qaralar”ın formasını geyinirdi. Komandaya azad agent kimi cəlb olunan futbolçu bütün yarışlarda 28 matça çıxıb. Bu oyunlarda 1 qol vuran təcrübəli futbolçu həm də 2 məhsuldar ötürmə müəllifi olub.
Xatırladaq ki, Qara Qarayev daha əvvəl “Qarabağ”da top qovub. 2011-2023-cü illər ərzində 445 matçda “köhlən atlar”ın şərəfini qoruyan yarımmüdafiəçi ağdamlılarla ölkə çempionatında 9, Kubokda isə 4 dəfə qalib gəlib. 2014-2022-ci illərdə Azərbaycan millisinə də çağırılan Qara 76 qarşılaşmada iştirak edib.
Kopyalandı
Seçilmişlər
