İdman
Pleyeri seçin:
"Neftçi" komandası Premyer liqada "Qəbələ" ilə üz-üzə gəlib
Azərbaycan Premyer liqasında 20-ci tura yekun vurulub. Son qarşılaşmada “Neftçi” komandası “Qəbələ” ilə üz-üzə gəlib.
“Neftçi Arena”da keçirilən matçda azarkeşlər 4 qol görüblər. İlk hissədə qapılar önündə təhlükəli vəziyyətlər yaransa da, hesab açılmayıb. 59-cu dəqiqədə Zurab Oçiqava birbaşa qırmızı vərəqə ilə meydandan uzaqlaşdırılıb. 2 dəqiqə sonra isə Emin Mahmudov penaltini dəqiq yerinə yetirərək “ağ-qaralar”ı hesabda irəli çıxarıb.
67-ci dəqiqədə fərq 2-yə yüksəlib. Bu dəfə Dieqo Valdesin zərbəsi dəqiq olub. 87-ci dəqiqədə Emil Səfərov toplardan birinin əvəzini çıxsa da, “Qəbələ” bundan artığını bacarmayıb. Oyunda son nöqtəni paytaxt təmsilçisinin yeni transferi Brayan Moreno qoyub. “Neftçi” – “Qəbələ”: 3-1.
Bu nəticədən sonra xallarının sayını 32-yə çatdıran “Neftçi” 2-ci pilləyə qalxıb. “Ağ-qaralar” lider “Qarabağ”dan 15 xal geri qalır.
Kopyalandı
Seçilmişlər
