Pleyeri seçin:
"Qalatasaray" ulduz futbolçu ilə güclənib
“Qalatasaray” mərakeşli ulduz Hakim Ziyeşi tam olaraq heyətinə qatıb.
Bu barədə məşhur insayder Fabritsio Romano “X” sosial şəbəkə hesabında məlumat paylaşıb.
“Cimbom” “Çelsi”dən icarə əsasında cəlb etdiyi 31 yaşlı vingeri komandada saxlamağa qərar verib. Klublar arasında danışıqlardan sonra Ziyeş “sarı-qırmızılar”la müqavilə imzalayıb. Lakin hələ ki həm transferin dəyəri, həm də sözləşmənin müddəti açıqlanmayıb.
Qeyd edək ki, Hakim Ziyeş karyerası ərzində Niderlandın “Herenven”, “Tvente” və “Ayaks” kollektivlərində də çıxış edib. 2020-ci ildə 40 milyon avroya “Çelsi”yə keçən futbolçu “zadəganlar”ın forması ilə 107 matçda cəmi 14 qol vurub. Ötən yay “Qalatasaray”a qoşulduqdan qısa müddət sonra əsas heyət oyunçusuna çevrilən Hakim komanda ilə Türkiyə superkubokunda qalib gəlib. O, bütün yarışlarda 21 matçda 8 dəfə rəqib qapılarına yol tapıb.
Kopyalandı
Seçilmişlər
