"Real Madrid" La liqada növbəti görüşünü keçirib

İngiltərə çempionatında 21-ci turun mərkəzi görüşü “Emireyts” arenasında keçirilib.

“Arsenal” və “Mançester Yunayted” arasında matçda 5 qol qeydə alınıb. Fasiləyədək qonaqlardan Reşford, meydan sahiblərindən isə Nketia qapını dəqiq nişan alıb: 1-1.

2-ci yarıda əvvəlcə Saka komandasını irəli çıxarsa da, 59-cu dəqiqədə Martinez tarazlığı bərpa edib: 2-2. Oyunda son nöqtəni dubl edən Nketia qoyub. Arsenal-Mançester Yunayted: 3-2. Bu nəticədən sonra “topçular” 50 xalla liderliyini davam etdirir. 11 xal az toplayan “qırmızı şeytanlar” isə “Nyukasl”la birlikdə 3-cü, 4-cü yerləri bölüşdürür.

La liqada çempionluq yarışında olan “Real Madrid” 18-ci turda “Atletik”in qonağı olub. Əzəli rəqiblərin görüşü “kral klubu”nun qələbəsi ilə yekunlaşıb. 24-cü dəqiqədə Kərim Benzema, 90-cı dəqiqədə isə Toni Kroosun qolu paytaxt təmsilçisinə 3 xal qazandırıb. 41 xalı olan “Real” 2-ci pillədəki mövqeyini qoruyub. Komanda lider “Barselona”dan 3 xal geri qalır. “Atletik” isə 26 xalla 8-cidir.