"Traktor" fanatlarından Təbriz komandasına möhtəşəm dəstək

Bu kadrlar Təbrizin “Traktor” klubu ilə “Sepahan” kollektivi arasında matçda qeydə alınıb.

Belə ki, “Yadegar-e Emam” stadionunda keçirilən görüşü izləmək üçün tribunalara 120 000 azarkeş toplaşıb. Onlar oyun ərzində “Azərbaycan var olsun!” şüarını səsləndiriblər.

Qeyd edək ki, görüntülərin qeydə alındığı qarşılaşma qolsuz bərabərliklə yekunlaşıb. Bu nəticədən sonra 39 xalı olan “Traktor” komandası çempionatda 3-cü pillədə qərarlaşıb. Təbriz təmsilçisi 2-ci yerdəki “Persepolis”dən 4, lider “Esteqlal”dan isə 7 xal geri qalır.