Pleyeri seçin:
Türkiyə millisinin AVRO-2024-dəki gəliri açıqlanıb
Futbol üzrə Avropa çempionatında 1/4 finala qədər irəliləyən Türkiyə millisinin əldə etdiyi gəlir məlum olub.
Türkiyə mətbuatında yayılan məlumata görə, “ay-ulduzlular” turnirdəki çıxışına görə 16 milyon 250 min avro qazanıb.
Belə ki, kollektiv AVRO-2024-də iştirak hüququ əldə etdiyinə görə 9,25 milyon, 3 oyunda qalib gəldiyi üçün 3 milyon, 1/8 finala yüksəldiyinə görə 1,5 milyon, 1/4 finala adladığı üçün isə 2,5 milyon avro gəlir əldə edib.
Xatırladaq ki, Türkiyə millisi Avropa çempionatının F qrupunda Gürcüstan, Portuqaliya və Çexiya yığmaları ilə mübarizə aparıb. Qrup ikincisi kimi 1/8 finala vəsiqə əldə edən “ay-ulduzlular” burada Avstriya kollektivini 2-1 hesabı ilə məğlub edərək 1/4 finalda Niderlanda rəqib olublar. Bu qarşılaşmada isə hesabı açmasına baxmayaraq, yekunda 1-2 hesabı ilə uduzan Türkiyə seçməsi turnirdə mübarizəni dayandırıb.
Kopyalandı
#AVRO-2024 teqi istifadə olunub
