İdman
Pleyeri seçin:
Üç güləşçimiz dünya çempionatının finalında
Yunan-Roma güləşçimiz Sənan Süleymanov dünya çempionatının yarımfinalında Ermənistan təmsilçisi üzərində parlaq qələbə qazanıb.
77 kq çəki dərəcəsində yer alan idmançımız yarımfinalda Malxas Amoyana 5:0 hesabı ilə qalib gəlib. Bu qələbə sayəsində finala adlayan Sənan həm də Paris-2024 Yay Olimpiya Oyunlarına lisenziya əldə edib.
Bundan başqa, daha iki pəhləvanımız Serbiyada keçirilən dünya çempionatında finala yüksəlib. 55 kq-da çıxış edən Eldəniz Əzizli yarımfinalda iranlı Puya Dad Marzı məğlub edib.
82 kq çəki dərəcəsində mübarizə aparan Rafiq Hüseynov isə həlledici görüş uğrunda türkiyəli Burhan Akbudakla qarşılaşıb. Hesabda geri olmasına baxmayaraq, dönüş etməyi bacaran güləşçimiz yekunda finala vəsiqə qazanıb.
Qeyd edək ki, Belqradda təşkil olunan mundiala sentyabrın 24-ü yekun vurulacaq.
Kopyalandı
Seçilmişlər
