Vensan Abubakar yenidən Türkiyədə çıxış edəcək

Səudiyyə Ərəbistanının "Əl-Nəsr" klubundan ayrılan Vensan Abubakarın karyerasını harada davam etdirəcəyi məlum olub.

Bu barədə Türkiyə KİV məlumat yayıb. Son xəbərlərə əsasən, kamerunlu hücumçu "Beşiktaş"la müqavilə imzalamağa yaxındır. O, yanvarın 20-si tibbi müayinədən keçdikdən sonra “ağ-qaralar”la 2 illik sözləşməyə qol çəkəcək.

Qeyd edək ki, Abubakar daha əvvəl 2016-17 və 2020-21-ci illər mövsümlərində "Beşiktaş"ın şərəfini qoruyub. Ümumilikdə 67 matçda meydana çıxan 30 yaşlı futbolçu 35 dəfə rəqib qapılarına yol tapıb. Türkiyədə çıxış etdiyi dövrdə 2 dəfə Super Liqa çempionu olan forvard həm də ölkə kubokunun qalibi olub. "Beşiktaş"dan ayrıldıqdan sonra Səudiyyə Ərəbistanının "Əl Nəsr" klubuna keçən Vensan burada oynadığı müddətdə 41 görüşdə 13 qol vurmaqla yanaşı, 5 assistlə yadda qalıb.