Vüqar Kərəmov: Yapon rəqibimin belə şoumen olduğunu bilmirdim

Bakıda keçiriləcək “Rizin” turnirinə həsr olunan mətbuat konfransında gərgin anlar yaşanıb.

Yarışda kəmər uğrunda döyüşə qatılacaq həmyerlimiz Vüqar Kərəmov və yaponiyalı Suzuki Çihiro baxış duelində mübahisə ediblər.

Tədbir ərzində Suzuki dəfələrlə provokativ hərəkətlər edərək Vüqar Kərəmovu özündən çıxarmağa çalışıb.

“Onun belə şoumen olduğunu bilmirdim. Suzukinin etdiyi bu hərəkətlər xoşuma gəlmir. Buna baxmayaraq, soyuqqanlı olmalıyam. Əsəbi vuruşmaq olmaz, çünki səhv buraxa bilərəm. Yarışda öz sözümü deyəcəyəm”, – Vüqar Kərəmov deyib.