Xankəndidə Azərbaycan kubokunun 1/8 final mərhələsinin oyunu keçirildi

21 dekabr 2023

Xankəndidə “Qarabağ” və MOİK kollektivləri arasında keçirilən Azərbaycan Kubokunun 1/8 final mərhələsinin oyunu başa çatıb.

30 illik fasilədən sonra Xankəndi şəhər stadionunda keçirilən görüşdə topa ilk toxunuşu Prezident İlham Əliyev edib.

Qarşılaşma “Qarabağ” komandasının 1-0 hesablı qələbəsi ilə yekunlaşıb. Oyunda yeganə qolu ikinci hissəyə əlavə olunan dəqiqələrdə ağdamlıların gənc futbolçusu Nəriman Axundzadə vurub.

Qeyd edək ki, bu qələbədən sonra Ağdam təmsilçisi 1/4 finala adlayıb. “Qarabağ” bu mərhələdə “Sabah” kollektivi ilə üz-üzə gələcək.

Maraq üçün deyək ki, sözügedən qarşılaşma 30 ildən sonra Qarabağ bölgəsində keçirilən ilk rəsmi oyundur. Son dəfə bu ərazilərdə 1993-cü ilin may ayında Azərbaycan çempionatında “Qarabağ”la “Turan Tovuz” komandaları qarşılaşıb. Ağdamın “İmarət” stadionunda keçirilən həmin matç “köhlən atlar”ın 2-1 hesablı qələbəsi ilə bitib.

#Xankəndi stadionu