Pleyeri seçin:
Yunan-Roma güləşçilərimizdən möhtəşəm nəticə
Serbiyada keçirilən dünya çempionatında 2 güləşçimiz qızıl medal qazanıb.
Pəhləvanlarımızdan 55 kq çəkidə çıxış edən Eldəniz Əzizli finalda gürcüstanlı Nuqzari Tsurtsumia ilə üz-üzə gəlib. Rəqibini 13-4 hesabı ilə məğlub edən Eldəniz karyerasında 3-cü dəfə dünya çempionu adına yiyələnib.
Titullu güləşçilərimizdən Rafiq Hüseynov da Serbiyadakı mundialda 1-ci yeri tutub. Həlledici görüşdə iranlı Əlirza Mohmadipiani üzərində qələbə qazanan Rafiq karyerasında 2-ci dəfə dünya çempionu olub.
77 kq çəkidə güləşən Sənan Süleymanov isə ölkəmizə gümüş medal qazandırıb. Yarımfinalda ermənistanlı Malxas Amoyandan 5-0 hesabı ilə güclü olan Sənan finalda qırğızıstanlı Akjol Mahmudova uduzaraq turniri 2-ci pillədə başa vurub.
Kopyalandı
#Serbiya teqi istifadə olunub
Seçilmişlər
