Yunan-Roma güləşi üzrə millimiz dünya çempionatında 1-ci olub

Yunan-Roma güləşi üzrə millimiz tarixində ilk dəfə dünya çempionu olub.

Yığmamız Serbiyada keçirilən turnirdə 2-si qızıl və 3-ü gümüş olmaqla ümumən 5 medal qazanaraq komanda hesabında 1-ci yeri tutub.

Belqradda keçirilən yarışda pəhləvanlarımızdan Eldəniz Əzizli 55, Rafiq Hüseynov isə 82 kq çəki dərəcəsində bütün rəqiblərinə qalib gəlib.

Daha 3 təmsilçimiz – Murad Məmmədov, Həsrət Cəfərov və Sənan Süleymanov da finala yüksəlsələr də, burada uduzaraq gümüş mükafatla kifayətləniblər.