4 kateqoriya üzrə... | Halal sertifikatlaşdırma prosesinin detalları açıqlandı

“Halal sertifikatlaşdırma prosesi dörd kateqoriya üzrə aparılacaq. Bu kateqoriyalar iri və xırdabuynuzlu heyvanların, quşların kəsimi, süd və süd məhsulları, eyni zamanda emal edilmiş məhsullar üzrə təşkil ediləcək”.

Bunu Qida Təhlükəsizliyi Agentliyinin rəhbəri Qoşqar Təhməzli Bakıda keçirilən Azərbaycan Halal Biznes və Turizm Forumunda deyib.

Onun sözlərinə görə, müraciət prosesinin asanlaşdırılması məqsədilə müvafiq işlərə başlanılıb:

“İnnovativ həllərin tətbiq olunması ilə qida subyektlərinin daha asan və əlçatan formada müraciət etməsinə şərait yaradılacaq. Halal sertifikatlaşdırma prosesinin təşkil olunması məqsədilə Sertifikatlaşdırma, Qərəzsizlik və Şikayətlər üzrə komitələr də formalaşdırılıb. Komitələrin tərkibi Azərbaycan İlahiyyat İnstitutunun İslamşünaslıq kafedrasının müdiri və müəllim heyəti, müstəqil ekspertlər və Azərbaycan Qida Təhlükəsizliyi İnstitutunun mütəxəssislərindən ibarətdir”.