ABŞ banklarının səhmləri kəskin ucuzlaşır

ABŞ-nin “Silicon Valley Bank”ın iflasından sonra qlobal maliyyə sektoru 465 milyard dollar itirib.

Məlumata görə, ən çox zərər çəkən regional Amerika bankları olub. Belə ki, “KBW Regional” bank indeksinin 7,7 faiz azalması 2020-ci ilin iyun ayından bəri ən kəskin geriləmədir.

Qeyd edək ki, ABŞ-nin 16-cı ən böyük bankı olan SVB-nin iflası martın 10-da məlum olub. Bu, 2008-ci il maliyyə böhranından sonra ölkədə ən böyük bank iflaslarından biridir. Eyni zamanda ABŞ administrasiyası müflis olan maliyyə qurumunu xilas etməkdən imtina edib. SVB-dan sonra “First Republic” bankının səhmləri də çökərək 60% ucuzlaşıb. Buna səbəb investorlar tərəfindən yeni maliyyə böhranı ilə bağlı gözlənti olub.