Asiya İnkişaf Bankı Azərbaycan iqtisadiyyatında artım proqnozlaşdırdı

Asiya İnkişaf Bankı Azərbaycanda iqtisadi artımın dövlət xərcləri və xidmət sektorunda artımla əlaqədar 2024-cü ildə 1,2, 2025-ci ildə isə 1,6 faiz olacağını proqnozlaşdırır.

Bu barədə bankın “Asiyanın inkişaf perspektivləri” adlı hesabatında deyilir.

Azərbaycanda pərakəndə ticarət və nəqliyyat sahələrinin hesabına xidmət sektorunda artımın 2024-cü ildə 2,3, 2025-ci ildə isə 3 faizə qədər yüksələcəyi proqnozlaşdırılır.

Vurğulanıb ki, nəqliyyat sektorunda artım SOCAR-la “KazMunayQaz” şirkəti arasında Qazaxıstan neftinin Azərbaycan ərazisindən tranzitinin artırılması haqqında saziş əsasında təmin ediləcək.