Azərbaycanla İsrail arasında iqtisadi əlaqələr genişlənir

“Azərbaycanla İsrail arasında ticarət dövriyyəsi 1,7 milyard ABŞ dollarından çoxdu. Bu da böyük rəqəmdir. Amma hesab edirəm ki, növbəti illərdə ticarət dövriyyəmizi şaxələndirməyə çalışmalıyıq.

Bu sözləri Prezident İlham Əliyev İsrail Prezidenti İsxak Hersoqla mətbuata bəyanatında səsləndirib.

Planlaşdırılan birgə layihələrin reallaşdırılması nəticəsində ticarət dövriyyəsinin daha çox tarazlaşdırılacağına ümid etdiyini vurğulayan dövlət başçısı bildirib:

“Bu, yalnız enerji amilindən asılı olmayacaq, baxmayaraq ki, Azərbaycan uzun illərdir İsrail üçün etibarlı xam neft tədarükçüsü hesab olunur. Bu həm də enerji sahəsində sıx əməkdaşlığımızın olmasının göstəricisidir”.