Dollara kütləvi ehtiyac yarandı | Mərkəzi Bankdan açıqlama

Azərbaycanda xarici valyutaya tələbatın artması davam edir.

Təkcə fevralın 13-də hərracda banklara 151 milyon 100 min ABŞ dollar satılıb ki, bu da əvvəlki hərracla müqayisədə 2,5 dəfə çoxdur. Fevralın 8-dəki satışın həcmi isə 61 milyon 400 min dollar təşkil edib.

Mərkəzi Bank isə bildirir ki, son hərraclarda valyutaya tələbin aktivləşməsi mövsümi xarakter daşıyır. Bu, əsasən bir sıra dövlət layihələrinin icrası və özəl sektorun həyata keçirdiyi idxalla əlaqədardır.